Европаликлар 2035 йилга бориб электромобилларга ўтадилар

NUR-SULTAN. Kazinform – Европа Иттифоқи ўз минтақасидаги автомобиллар иссиқхона газларини чиқармаслигига ишонч ҳосил қилади. Шу сабабли чоршанба куни ташкилотга аъзо давлатлар 2035 йилгача бензин ёки дизел ёқилғиси билан ишлайдиган янги автомобиллар сотилишини тўхтатишга келишиб олди, деб хабар беради Кazinform Euronewsга таяниб.

Уларни 13 йилдан кейин электромобилларга алмаштириш режалаштирилган.

Мамлакат фуқаролари бу борада ижобий фикр билдиришди, бироқ айрим фикрларда шубҳалар ҳам бор.

«Бу мантиқий қарор. Лекин мен электромобиллар ва электр энергияси анча арзон бўлиши керак, деб ҳисоблайман. Агар улар нархни пасайтирса, кўпроқ қувватли ва енгилроқ аккумуляторларни ўйлаб топса ва зарядлаш пунктларини барча ҳайдовчилар фойдаланиши мумкин бўлса, бу мантиқий ечим бўлиши керак», - деди автомобил ишқибозларидан бири.

«Менимча, бу ҳеч қачон тўғри ишламайди. Оддий моторли машинамга қаранг. Биз у билан 3000 мил юрдик ва камроқ ёқилғи сарфладик. Электр стансиялари электр энергиясини ишлаб чиқариш учун ҳали ҳам қазилма ёқилғи билан таъминланиши керак. Сиз шунчаки муаммони бошқа жойга кўчирасиз. Ҳали ифлосланиш бўлади, - деди бошқа ҳайдовчи.

Европарламентдаги «Яшиллар» фракцияси ички ёнув двигателлари ишлаб чиқаришнинг навбатдаги босқичини олқишлади. Германиялик депутат буни 5 йил олдин қилиш керак эди, деб ҳисоблайди.

Европа Иттифоқига аъзо давлатлар атроф-муҳитни муҳофаза қилиш пакетининг бошқа асосий элементлари бўйича келишиб олдилар. Бироқ улар Брюсселнинг дастлабки таклифини юмшатган бир қатор истисно ва тузатишларни қабул қилдилар. Энди глобал иқлим ўзгаришининг олдини олиш бўйича ушбу келишувни тасдиқлаш учун Европанинг учта ҳокимият институти - Парламент, Кенгаш ва Комиссия ўртасида кескин музокаралар олиб борилиши кутилмоқда.