Европа нашрлари Самарқанддаги саммитни қандай талқин қилмоқда
ASTANA. Kazinform – Агентликнинг махсус мухбири Европа матбуоти Самарқандда бўлиб ўтган “Европа Иттифоқи – Марказий Осиё” биринчи саммити ҳақида нималар ёзганини кўриб чиқди.
Европа Иттифоқининг етакчи нашри «Euractiv» форумга алоҳида мақола бағишлади. Муаллифларнинг ёзишича, Европа Иттифоқи Марказий Осиёдаги мавқеини мустаҳкамлаш учун 12 миллиард евро ажратишга ваъда берган.
Шу билан бирга, Еврокомиссия раиси У.Ляйен Европа Иттифоқининг минтақа билан ишлашга ёндашуви Россия ва Хитой сиёсатидан фарқ қилишини таъкидлади.
«Инвестийия пакети минтақанинг энг муҳим хом ашёси учун 2,5 миллиард евро, Марказий Осиё давлатлари орқали Хитойни Европа билан боғловчи савдо йўлини ривожлантириш учун 3 миллиард евро, экологик лойиҳаларга 6,4 миллиард евро, рақамли алоқа учун 100 миллион евро ажратилади», - дейилади мақолада.
Euronews телеканали Самарқанддаги саммитдан лавҳаларни намойиш этди. Мухбир Элис Тайдейнинг айтишича, Европа Иттифоқи Қозоғистон ва минтақанинг бошқа мамлакатларидаги муҳим хом ашё ресурсларига катта қизиқиш билдирмоқда.
«Ўзбекистоннинг Самарқанд шаҳрида бўлиб ўтган “Европа Иттифоқи – Марказий Осиё” биринчи саммити АҚШ президенти Дональд Трамп ўнлаб давлатларга, жумладан иттифоқчи Европа Иттифоқи ва Буюк Британияга бож жорий этганидан икки кун ўтиб, жаҳон етакчилари янги тариф сиёсати билан курашаётган бир пайтда бошланди. Янги глобал тўсиқлар пайдо бўлади ва инвестициялар ўзгаради ёки камаяди. Жаҳон кучлари ўртасидаги таъсир мувозанати ўзгармоқда”, - деди Европа Комиссияси раҳбари Урсула фон дер Ляйен.
“Ҳамма бу сўзлар АҚШ, Россия ва Хитойга қаратилган деб тахмин қилмоқда”, — деб ёзади Euronews.
Сайёҳлик соҳасига ихтисослашган «Travel tomorrow» нашри саммит давомида виза тартибини соддалаштириш бўйича силжиш борлигини ёзди.
«Ҳар икки томон Қозоғистон ва Еврокомиссия ўртасида виза бериш жараёнини осонлаштиришга қаратилган музокараларнинг боришини тасдиқлайди. Ушбу ташаббус туризм ва бизнес алмашинувини, шунингдек, ҳамкорликни рағбатлантиришга, шу орқали Қозоғистон ва Европа Иттифоқига аъзо давлатлар ўртасидаги алоқаларни мустаҳкамлашга қаратилган.
Қозоғистон фуқаролари узоқ вақтдан бери Европа билан бундай ижобий алоқани кутган. Ишбилармон ҳамкорлик, туризм ва халқлар ўртасидаги алоқаларни ривожлантиришга интилаётган Қозоғистон 2017 йилда Европа Иттифоқининг барча мамлакатлари фуқаролари учун визасиз режим жорий этди. Ҳозир Қозоғистон фуқаролари Европа Иттифоқига саёҳат қилиш учун визалар юмшатилишини интиқлик билан кутяптилар.
Шу муносабат билан Қозоғистон малакали мутахассислар ва рақамли кўчманчиларни жалб этиш учун визаи мкониятларини кенгайтирди. Ҳукумат иқтидор ва инновацияларнинг мамлакатга киришини рағбатлантириш учун мўлжалланган учта янги тоифадаги визаларни жорий этди», - деб ёзади нашр.
EU Reporter газетаси ҚР Президенти Қ.Тоқаев ва Еврокомиссия раҳбари У.Ляйен ўртасидаги учрашув ҳақида хабар беради. Унда Лееннинг шахсан учрашгани қайд этилган.
«Самарқандда бўлиб ўтган “Марказий Осиё-Европа Иттифоқи”нинг биринчи тарихий саммитида Қозоғистон Президенти Қасим-Жомарт Тоқаев Европа комиссияси раиси Урсула фон дер Ляйен билан муҳим икки томонлама учрашув ўтказди ва Европа Иттифоқи ва Қозоғистон ўртасидаги муносабатлар жадал ва ҳар томонлама ривожланиб бораётганини қайд этди», - деб ёзади газета.
EU Reporterнинг ёзишича, Европа Иттифоқининг ресурсларга бой ва стратегик минтақада жойлашган ишончли шерик излаши Қозоғистоннинг беқарор дунёда иқтисодий ва геосиёсий алоқаларни диверсификация қилиш истаги билан бир вақтга тўғри келади.
