Европа лигаси: бугун чорак финал ўйинлари бўлиб ўтади

ASTANА. Кazinform — Бугун UEFА Европа лигаси чорак финалининг жавоб ўйинлари бўлиб ўтади.

Мусобақанинг ушбу босқичидаги ўйинлар Қозоғистон вақти билан соат 23:50 да бошланади.

Дастлаб «Qazaqstan» телеканали орқали “Айнтрахт” (Германия) – «Тоттенхэм Хотспурс» (Англия) жамоалари ўртасидаги ўйин намойиш этилади. Биринчи ўйин 1:1 ҳисобидаги дуранг билан якунланган эди.

Шунингдек, айни вақтда мухлислар «Манчестер Юнайтед» (Англия) – “Лион” (Франция) жамоалари ўртасидаги учрашувни «Qazsport» телеканали орқали томоша қилишлари мумкин. Биринчи учрашувда жамоаларни 2:2 ҳисоби қаноатлантирганди.

Яна бир чорак финал учрашувида Испаниянинг “Атлетик” ва Шотландиянинг “Глазго Рейнжерс” ​​жамоалари куч синашади. Биринчи ўйинда улар 0:0 ҳисобида дуранг ўйнашган.

Яна бир чорак финал учрашуви “Лацио” (Италия) ва “Бодо-Глимт” (Норвегия) ўртасида бўлиб ўтади. Дастлабки баҳсда Норвегия клуби 2:0 ҳисобида зафар қучганди.

Европа Лигаси 2009 йилдан буён мунтазам ўтказиб келинмоқда.Ўтган йили Италиянинг “Аталанта” жамоаси турнир ғолиби бўлганди.

Эслатиб ўтамиз, аввалроқ Чемпионлар лигаси ярим финалига йўл олган икки жамоа ҳақида хабар берган эдик.