Европа Иттифоқи АҚШ билан савдо урушига киришади

Еврокомиссия чоршанба куни Евроиттифоқ 1 апрелдан бошлаб Америка товарларига 26 миллиард евро миқдоридаги жавоб божларини жорий этишини маълум қилди, дея хабар беради Kazinform мухбири.

Брюсселнинг таъкидлашича, Европа ҳимоя тарифлари АҚШнинг пўлат ва алюминий импортига 25 фоизлик тарифларига жавобан киритилган.

“Бизнинг қарши чораларимиз икки босқичда киритилади. Улар 1 апрелда жорий қилина бошлайди ва 13 апрелда тўлиқ кучга киради”, - деди Европа Комиссияси президенти Урсула фон дер Ляйен баёнотида.

У. Фон дер Ляйен АҚШнинг ҳаракатларини "асоссиз" деб қоралаб, киритилган қарши чоралар кескин, бироқ мутаносиб эканлигини таъкидлади.

"АҚШ 28 миллиард долларлик тарифларни жорий этгани сабабли, биз 26 миллиард евролик қарши чоралар билан жавоб берамиз. Бу АҚШ тарифларининг иқтисодий имкониятларига мос келади”, - деди у.

Шу билан бирга, У. Ляйен, шунингдек, ЕИ музокаралар учун очиқлигича қолаётганини таъкидлади ва савдо ва иқтисодий хавфсизлик бўйича Европа комиссари Марош Шефчовичга ечим топиш учун АҚШ билан музокараларни қайта бошлашни топширди.

“Европа Иттифоқи ва АҚШ ўртасидаги савдо алоқалари дунёдаги энг йирик ҳисобланади. Улар миллионлаб одамларга фаровонлик ва хавфсизлик олиб келди ва савдо Атлантиканинг ҳар икки томонида миллионлаб яхши иш ўринларини яратди. Тарифлар - солиқ ҳисобланади. Улар бизнес учун ёмон ва истеъмолчилар учун ундан ҳам ёмонроқ. Улар таъминот занжирларини бузади. Улар иқтисодиётга ноаниқлик олиб келади. Ишлар хавф остида. Нархлар кўтарилади. Бу ҳеч кимга керак эмас - на Европа Иттифоқида, на АҚШда”, - деди У.Ляйен.