Европа Иттифоқи-Африка саммитида CОVID-19 га қарши курашда ҳамкорлик муҳокама қилинди
Тадбирда Европа ва Африкадан 80 га яқин етакчи иштирок этди ва икки кун давомида бир неча соҳаларда қизғин муҳокамалар олиб борди.
Қўшма мавзулардан бири CОVID-19 га қарши курашда биргаликдаги ҳамкорлик бўлди. Африка аҳолисининг атиги 11 фоизи хавфли коронавирусга қарши тўлиқ эмланган, шунинг учун Африка пандемияга қарши курашда анча орқада.
Айрим Африка етакчилари Европа Иттифоқини вакциналар ва бошқа маҳсулотларга нисбатан интеллектуал мулк ҳуқуқларини бекор қилишни истамасликда айбламоқда.
«Бу бир нечта фармацевтика компанияларининг рентабеллиги ҳақида эмас, балки миллионлаб одамларнинг ҳаёти ҳақида», - деди Жанубий Африка Президенти Сирил Рамафоса.
КДР Ташқи ишлар вазири Кристоф Лутундуланинг фикрича, Африканинг дори-дармонларни қўлга киритишда доимо навбатда туриши қабул қилиниши мумкин эмас.
«Пандемия халқаро бирдамликни талаб қилади, бу ёрдам, синов, даволаш ва айниқса вакциналар ишлаб чиқариш соҳасидаги ҳамкорликни англатади», - деди африкалик дипломат.
Европанинг Африкага CОVID-19 билан курашиш учун сармояси ва эмлаш учун хайрияларга қарамай, баъзи таҳлилчилар пандемия икки қитъа ўртасидаги муносабатларнинг бошқа томонини ёритиб берганини айтишади. Фуқаролик жамияти ташкилотлари Африканинг катта аҳолиси саломатлиги ҳақида гап кетганда, Африка ва Европа ўртасида яқинроқ ҳамкорликка чақирмоқда.
«Биз ушбу турдаги пандемиянинг бутун дунё бўйлаб кучайишига йўл қўймаслик учун Африка соғлиқни сақлаш тизимини қўллаб-қувватлашимиз керак. Шундай экан, агар биз тўғри ҳамкорликни йўлга қўймасак, касаллик пайдо бўлганда, у ҳамма жойда тарқалиши мумкин», - деб таъкидлади Эдвин Ихуория, қитъада ўта қашшоқликка қарши курашувчи ONEнинг Африкадаги ижрочи директори.
Жаҳон соғлиқни сақлаш ташкилоти маълумотларига кўра, Африка йил ўртасига қадар 70 фоизга эришиш учун коронавирусга қарши эмлашлар сонини олти баробар ошириши керак.
Муаллиф: Арнур Раҳимбеков
