EURO 2024: Нидерландия чорак финалга йўл олди
ASTANА. Кazinform – 2 июль куни Нидерландия футбол бўйича 2024 йилги Европа чемпионатининг чорак финалига йўлланма олди.
D гуруҳида иштирок этаётган нидерландиялик футболчилар мухлисларни қониқтирадиган ўйин кўрсата олишмади. Гуруҳ босқичида Польшани 2:1 ҳисобида мағлуб этиб, Австрияга 2:3 ҳисобида имкониятни бой бериб, Франция билан 0:0 ҳисобида дуранг ўйнади. Натижада тўрт очко билан учинчи ўринни эгаллади.
1/8 финалда нидерландиялик футболчилар Руминия билан куч синашди. Учрашувнинг 20-дақиқасида Коди Гакпо ҳисобни очган бўлса, 83-дақиқада Дониэлл Мален гол урди. У 93-дақиқада яна бир бор дарвозага тўп киритди. Энди Нидерландия терма жамоаси 6 июль куни чорак финалда Туркия терма жамоасига қарши баҳс олиб боради.
5 июль куни чорак финалда Испания ва Германия, Португалия ва Франция ҳамда Англия ва Швейцария терма жамоалари тўқнаш келишади.
