Эртага ҚР Президенти Қозоғистон халқига Мурожаатномасини эълон қилади

ASTANA. Kazinform – Давлат раҳбари Қасим-Жомарт Тоқаев 1 сентябрь куни Парламент палаталарининг қўшма мажлисида Қозоғистон халқига Мурожаатномасини эълон қилади, деб хабар беради Kazinform.

Мажлисда Парламент ва Сенат депутатлари, марказий давлат органлари раҳбарлари, Миллий қурултой, Инсон ҳуқуқлари бўйича комиссия, Хотин-қизлар ишлари ва оилавий-демографик сиёсат бўйича миллий комиссия аъзолари, жамият ва касаба уюшмалари вакиллари иштирок этади.

Мурожаатноманинг жонли эфири соат 11:00 да республика телеканаллари, шунингдек, akorda.kz расмий веб-сайти ҳамда ижтимоий тармоқлардаги Aqorda аккаунтларида намойиш этилади.

Мурожаатноманинг матнли узатилишини Президент матбуот хизматининг Телеграм-каналида ўқиш мумкин.