Эртага Қозоғистон ва Германия теннис терма жамоалари учрашади

NUR-SULTAN. Кazinform - Бугун Нур-Cултанда 15-16 апрел кунлари бўлиб ўтадиган Билли Жин Кинг кубоги доирасидаги Қозоғистон ва Германия терма жамоалари ўртасидаги саралаш баҳсига қуръа ташлаш маросими бўлиб ўтди, деб хабар беради Кazinform мухбири.

Қозоғистон теннис федерациясидан маълум қилишларича, турнирни Юлия Путинцева ва жаҳоннинг собиқ биринчи ракеткаси, «Катта дубулға»нинг уч карра чемпиони Анжелика Кербер бошлаб беради.

Бу жуфтлик жума куни пойтахт вақти билан соат 13:00да Миллий теннис марказининг марказий кортига чиқади.

Ушбу баҳсдан сўнг навбат Қозоғистоннинг биринчи ракеткаси Елена Рибакина ва Лаура Зиегемундга келади.

Учрашув шанба куни соат 14:00да давом этади. 16 апрел куни Анжелика Кербер - Елена Рибакина, Юлия Путинцева - Лаура Зиегемунд ва жуфтлик мусобақасида Анна Данилина / Ярослава Шведова - Анна-Лена Фридзам / Юле Нимайер учрашуви режалаштирилган.

Учта ғалабага эришган жамоа Билли Жин Кинг кубоги финалига йўл олади.

Муаллиф: Елжан Ерали