Эронда ҳаво ҳарорати айрим жойларда 50 даражага етди

ASTANA. Kazinfrom - Эронда ғайритабиий иссиқлик сақланиб қолмоқда, айрим шаҳарларда ҳаво ҳарорати 50 даражага етди, деб хабар беради Kazinform Анадолу агентлигига таяниб.

IRNA хабарига кўра, жануби-шарқдаги Систон-Белужистон вилоятининг Зехек ва Хирманд шаҳарларида термометр кўрсаткичи 50 даражадан ошди.

Метеорологларнинг огоҳлантиришича, шамолли об-ҳаво чанг бўронлари билан кузатилади.

Расмийлар фуқароларни ўта зарурат бўлмаса, кўчага чиқмасликка, иложи бўлса, йўлларда кўриш имконияти пасайганлиги сабабли автомобиль транспортидан фойдаланмасликка чақирди.

Чанг концентрациясининг ортиши туфайли мингдан ортиқ одам шифохоналарга мурожаат қилган, бир киши вафот этган.