Эрон нонефт маҳсулотларини экспорт қиладиган етти давлат номини айтди
ASTANA. Kazinform – Эроннинг сўнгги икки ойда (апрель ва май ойларида) нефтдан ташқари экспорти санкцияларга қарамай, 8,241 миллиард долларга етди, деб хабар беради ParsToday ахборот агентлиги.
“Эроннинг нефтдан ташқари экспорти охирги икки ойда (апрель ва май) 24 миллион 622 минг тоннага етди ва 8 миллиард 241 миллион долларни ташкил қилди”, – деди Эрон божхона бошқармаси бошлиғи Форуд Асгарий.
Унга кўра, Хитой 2 миллиард 425 миллион доллар, Ироқ 1 миллиард 500 миллион доллар, БАА билан 1 миллиард 940 миллион доллар, Туркия 673 миллион доллар, Афғонистон 374 миллион доллар, Покистон 322 миллион доллар ва Уммон билан 305 миллион долларлик савдо амалга оширган. Булар охирги икки ойда Эроннинг нонефт экспорти учун еттита асосий йўналиш бўлди.
Эслатиб ўтамиз, Жаҳон банкининг 2024 йилги ҳисоботига кўра, минтақадаги геосиёсий кескинликларга қарамай, Эрон сўнгги уч йил ичида иқтисодий ўсиш суръатлари беш фоиздан ортиқни ташкил этган ва бу даврда ишсизлик даражаси 7,4 фоизгача пасайган.
