Елена Рибакина ойнинг энг яхши ўйинчиси номига номзод бўлди

ASTANA. Kazinform - Relevant Tennis Twitter аккаунти ўз обуначиларига март ойи якунлари бўйича дунёнинг энг яхши ўйинчисини танлашни таклиф қилди, деб хабар беради Kazinform мухбири.

RelevantTennis маълумотларига кўра, номзодлар рўйхатига тўрт нафар теннисчи кирди.

Жумладан, жаҳоннинг 7-ракеткаси, қозоғистонлик Елена Рибакина, шунингдек, руминиялик Сорана Кирстя (WТА рейтингида 41-ўрин), Беларусь вакили Арина Соболенко (2-ўрин), чехиялик Петра Квитова (10-ўрин) ойнинг энг яхши ўйинчиси номига номзод.

Маълумки, Елена Рибакина март ойида Индиан-Уэллс мастерс турнирида ғолиб чиққан эди.

Шунингдек, 2 апрель куни якунланган Майами мастерс мусобақасининг финал босқичига етиб келди.

Е.Рибакина 14-15 апрель кунлари Астана шаҳрида Билли Жин Кинг кубоги саралаш босқичи доирасида бўлиб ўтадиган Қозоғистон – Польша учрашувида иштирок этади ва мамлакат шарафини ҳимоя қилади.

Эслатиб ўтамиз, аввалроқ Юлия Путинцева Чарльстонда дунёнинг экс- учинчи ракеткасини мағлуб этгани ҳақида ёзган эдик.

Қозоғистонлик теннисчилар АҚШдаги мусобақада ҳам чорак финалга чиқди.

Муаллиф: Ғайсағали Сейтақ

Фото: ktf.kz