Дмитрий Попко Хорватиядаги турнирнинг чорак финалида иштирок этади

ASTANA. Kazinform – Қозоғистонлик теннисчи, жаҳоннинг 244-ракеткаси Дмитрий Попко Загребда (Хорватия) ўтказилаётган челленжер турнирида чорак финалга чиқди.

Қозоғистонлик теннисчи иккинчи даврада жаҳон рейтингида ўзидан 40 поғона юқорида жойлашган хорватиялик Дино Прижмич билан учрашди.

Бир соат 40 дақиқа давом этган баҳсда Попко корт соҳибини мағлуб этди - 6:2, 6:4. У 4 та эйс билан бирга 9 та брейк-пойнтдан 5 тасини қайд этди. Прижмич 2 та эйс, 2 та брейк (8 та брейк-пойнт)дан ошиб кета олмади.

Дмитрий Попко ярим финал йўлланмаси учун хорватияликлардан бири, дунёнинг 358-рақами Нино Сердарушич ёки 359-ўриндаги Матей Додиг билан куч синашади.

Д.Попко айни дамда ATP Live рейтингида 231-ўринда бормоқда.

Эслатиб ўтамиз, аввалроқ Анна Данилина Италиядаги турнир финалига чиққани ҳақида ёзган эдик.

Шунингдек, Амир Омархонов “Ролан Гаррос”да сенсация яратиб, мусобақанинг 3-ракеткаси устидан ғалаба қозонди ва ярим финалга йўл олди.