Анна Данилина Италиядаги турнирнинг финал босқичига чиқди

ASTANA. Кazinform - Қозоғистоннинг жуфтлик баҳсларида биринчи, жаҳоннинг 57-ракеткаси Анна Данилина Бари (Италия) челленжерр турнири финалига чиқди.

Анна Данилина
Фото: Қозоғистон теннис федерацияси

Мусобақанинг 1-ракеткалари А.Данилина – россиялик Ирина Хромачева ярим финалда яна бир қозоғистонлик Жибек Куламбаева – португалиялик Франциска Хорхе жуфтлиги билан баҳслашди.

Қозоғистон-Россия жуфтлиги 6:2, 6:2 ҳисобида зафар қучди. Улар бир соату беш дақиқа давом этган ўйинда олтита брейк-пойнтдан тўрттасини ишлатишди.

Анна Данилина ва Ирина Хромачеванинг финалдаги рақиблари кейинроқ маълум бўлади.

Эслатиб ўтамиз, аввалроқ Бейбит Жуқаев Буюк Британияда Астана турнири финалчисини мағлуб этгани ҳақида хабар берган эдик.

Сўнгги хабарлар