22:08, 06 Июнь 2024 | GMT +5
Бейбит Жуқаев Буюк Британияда Астана турнирининг финалчисини мағлуб этди
ASTANА. Кazinform – Қозоғистонлик, дунёнинг 171-ракеткаси Бейбит Жуқаев Сурбитон (Буюк Британия) челленжер турнирининг чорак финалига чиқди.

Қозоғистонлик теннисчи иккинчи даврада дунёнинг 105-ракеткаси, Astana Open ATP 250 мусобақаси финалчиси, Австралия вакили Жеймс Даквортдан устун келди.
1 соат 29 дақиқа давом этган баҳсда Бейбит Жуқаев 6:4, 7:6 (7:4) ҳисобида зафар қучди. У 15 та эйс амалга оширди ва 4 та брейк-пойнтдан биттасини ишлатди.
Ярим финалга чиқиш учун Бейбит Жуқаев жанубий африкалик Ллойд Харрис ёки австралиялик Александр Вукич билан беллашади.
Эслатиб ўтамиз, аввалроқ Михаил Кукушкин Буюк Британиядаги турнирнинг чорак финалига чиққани ҳақида хабар берган эдик.