Димаш Қудайберген Сербияда “Ака-ука Карич жамғармаси” мукофотини олди

3 декабрь куни Сербиянинг Белград шаҳрида “Ака-ука Каричлар жамғармаси” мукофоти билан тақдирлаш маросими бўлиб ўтди, деб хабар беради Каzinform хонанданинг dimashnews.com сайтига таяниб.

1979 йилда мамлакатнинг илмий-техникавий ва ижодий салоҳиятини қўллаб-қувватлаш ва тарғиб қилиш, жамоатчиликни жаҳон маданияти ютуқлари билан таништириш мақсадида институт сифатида ташкил этилган жамғарма 26-марта хорижий таниқли шахсларга мукофотларни топширди.

“Ака-ука Каричлар жамғармаси” мукофоти аввал дунёга машҳур фан, журналистика, иқтисодиёт, маданият ва санъат намояндаларига топширилган эди. Физика бўйича Нобель мукофоти совриндори Ж.Алферов, адабиёт бўйича Нобель мукофоти лауреати П. Хандке, Қозоғистоннинг Биринчи Президенти Н. Назарбоев, кинорежиссёр Э. Кустурица, теннисчи Н.Жокович, актёр С.Сигал, Турксойнинг собиқ бош котиби Д.Қасеинов ушбу мукофотга сазовор бўлди.

Бу йил ушбу мукофотга номзодлар орасидан Қозоғистоннинг истеъдодли хонандаси Димаш Қудайберген ҳам тақдирланди.

Жамғарма директорлар кенгашининг таъкидлашича, Димашнинг ўзига хос вокал санъати, классик ва замонавий услубда ижро этиш қобилияти, исталган нотани ижро эта олиши санъаткорни Қозоғистон маданиятининг ёрқин намояндаси, ўз ижодида муваффақиятли мутахассис сифатида эътироф этиш имконини беради.

“Бизнинг директорлар кенгаши бир овоздан мана шундай муҳим санъаткор мамлакатларимиз ўртасидаги муносабатларни мустаҳкамлайдиган ушбу йўлда истеъдодлар олтин туркумининг давомчиси бўлишга лойиқ, деган фикрга қўшилади”, – деди Қозоғистон Республикасининг Сербиядаги фахрий консули, Карич фонди асосчиси Миланка Карич.

Тақдирлаш маросими Сербия маданияти ва анъаналарини белгилаб берувчи маданий мерос – Белграддаги Миллий театрда бўлиб ўтди.

Димаш Миллий театр саҳнасида қозоқ халқ қўшиғи “Самалтау” ва Игор Крутойнинг «Mademoiselle Hyde» қўшиғини куйлади.

Димаш “Ака-ука Каричлар жамғармаси” таъсисчилари ва директорлар кенгашига уни мукофотга лойиқ деб топгани учун ўз миннатдорчилигини билдириб, санъат соҳасидаги халқаро лойиҳалар мамлакатлар ўртасидаги дўстлик ва ўзаро тараққиётни қўллаб-қувватлаш имкониятлари сифатида муҳим аҳамият касб этишини таъкидлади.