Димаш Қудайберген мухлисларига миннатдорчилик билдирди

ASTANA. Kazinform – Хонанда Димаш Қудайберген 7 март куни чиққан янги асарини интернетда кўплаб одамлар кўраётгани учун тингловчиларига ўз миннатдорчилигини билдирди.

Димаш Кудайберген
Фото: dimashnews.com

“Янги клипимни қўллаб-қувватлаган барча мухлисларимга раҳмат айтмоқчиман. Изоҳларга қараганда, хорижлик тингловчиларимнинг фаоллиги туфайли янги видеомизнинг тарқалиши ва кўришлар сони ортиб бормоқда”, – деб ёзади у ижтимоий тармоқдаги саҳифасида.

Шунингдек, у тез орада видеонинг иккинчи қисмини якунлашини айтди.

“Яқин дўстларимга @llightproduction қилган ишларингиз учун раҳмат айтмоқчиман”, — деди Димаш.

Эслатиб ўтамиз, аввалроқ Димаш Қудайберген жаҳонга машҳур бастакор билан ёзилган илк асарини оммага тақдим этган эди. Бу икки карра Грэммй мукофоти совриндори, дунёга машҳур продюсер ва бастакор Уолтер Афанасьев билан биринчи ҳамкорлик иши эди.

Сўнгги хабарлар