Димаш: Бу мукофот – икки халқ ўртасидаги дўстлик рамзи

BISHKEK. Kazinform – Машҳур қўшиқчи Димаш Қудайберген Қирғизистон Республикасининг Халқ артисти унвонини олишини қирғиз халқи томонидан қозоқ халқига бўлган ҳурмат сифатида қабул қилганини маълум қилди. Бу ҳақда у Иссиқкўл кўли бўйидаги Чолпон-Ота шаҳрида ўтган «Мейкин Осиё» халқаро мусиқа фестивали доирасидаги матбуот анжуманида айтиб ўтди.

“Энг аввало, Президент Садир Жапаровга чуқур миннатдорчилик билдираман. Олган мукофотимни қирғиз халқи томонидан қозоқ халқига бўлган ҳурмат ва эътироф рамзи сифатида қабул қиламан. Қирғизистоннинг меҳмондўстлиги ва санъат аҳлига бўлган муносабатидан чинакам ҳайратдаман”, – деди Димаш.

У шунингдек, фестиваль ташкилотчиларига тадбирни юқори даражада ўтказгани учун миннатдорчилик билдирди ҳамда келгусида ҳам икки қардош халқ ўртасидаги маданий алоқаларни мустаҳкамлашга ҳисса қўшиш нияти борлигини таъкидлади.

Қирғизистон Республикаси Президенти Садир Жапаровнинг қўллаб-қувватлаши билан «Мейкин Осиё» фестивали доирасида Димаш Қудайбергенга Қирғизистон Республикасининг Халқ артисти унвони берилди.

Бу мукофот Қозоғистон ва Қирғизистон ўртасидаги маданий ҳамкорлик ва дўстликни мустаҳкамлашга қўшган катта ҳиссаси учун топширилди.