Деҳли шаҳрида қозоқ кураши бўйича жаҳон чемпионати бошланди
ASTANA. Kazinform – Кеча, 26 февраль куни Ҳиндистоннинг Деҳли шаҳрида қозоқ кураши бўйича катталар ўртасида жаҳон чемпионати баҳслари бўлиб ўтди. Икки кун давом этаётган қизиқарли мусобақада дунёнинг 20 дан ортиқ давлатидан 200 нафарга яқин полвон иштирок этмоқда.
Мазкур чемпионат дастурига кўра, 16 та вазн тоифасида спортчилар (эркаклар ва аёллар) энг кучлиларни аниқламоқда.
Жаҳон чемпионати Деҳли шаҳридаги «Тьягараж» миллий стадионида “Самруқ-Қазна” миллий фаровонлик жамғармаси акциядорлик жамияти ва Sport Qory спортни қўллаб-қувватлаш жамғармаси кўмагида ўтказилмоқда.
Кураш мусобақасининг очилиш маросимида Ҳиндистоннинг Қозоқ кураши ассоциацияси президенти Хариш Тяги, эркин кураш бўйича Лондон-2012 Олимпиадаси бронза медали совриндори Йогешвар Дутт ва UWW техник делегати Онур Шимшек иштирок этди.
