Давлат раҳбари STADA Group компанияси вице-президенти Кристос Галлис билан учрашди
ҚР Президенти Қасим-Жомарт Тоқаев STADA Group компанияси вице-президенти Кристос Галлис билан учрашди, деб хабар беради Kazinform.
Учрашувда соғлиқни сақлаш ва фармацевтика соҳаларидаги ҳамкорлик истиқболлари муҳокама қилинди.
Қасим-Жомарт Тоқаев STADA Қозоғистон бозорида соғлиқ учун зарур бўлган истеъмол товарлари сегментида учта етакчидан бири эканлигини айтди. Президентнинг таъкидлашича, Алмати шаҳрида компания ваколатхонасининг очилиши муваффақиятли ва жадал ривожланаётган ҳамкорликнинг ёрқин далилидир.
Давлат раҳбари Қозоғистонда биотехнологик кластерни яратиш фаол олиб борилаётганига эътибор қаратди.
Президентнинг сўзларига кўра, STADA тадқиқот ва ишлаб чиқариш соҳасида QazBioPharm миллий холдинги билан ҳамкорлик қилиш учун ажойиб имкониятга эга бўлади.
Қасим-Жомарт Тоқаев немис компаниясини ҳамкорликда илмий-тадқиқот ва ишланмалар олиб бориш, ишлаб чиқаришни ташкил этиш, шунингдек, тажриба алмашиш ва мутахассисларнинг малакасини оширишга таклиф қилди.
Кристос Галлис ҳамкорликни мустаҳкамлашга қизиқиш билдирди ва компания Қозоғистондаги тиббий лойиҳа ва дастурларга сармоявий имкониятларни кўриб чиқишга тайёрлигини таъкидлади.
STADA юқори сифатли дори воситалари ишлаб чиқарувчи етакчи компаниялардан биридир. Компания ўз маҳсулотларини дунёнинг 120 мамлакатида сотади.
