Давлат раҳбари Швейцария Президентига ҳамдардлик билдирди

ASTANА. Кazinform – Давлат раҳбари Швейцария Президентига ҳамдардлик телеграммасини юборди. Бу ҳақда Акорда матбуот хизмати хабар берди.

Қасим-Жомарт Тоқаев Швейцария Конфедерацияси Президенти Гай Пармеланга Кранс-Монтана тоғ-чанғи курортида кўплаб одамларнинг ҳаётига зомин бўлган ёнғин муносабати билан ҳамдардлик билдирди.

Қозоғистон Президенти яқинларини йўқотган фуқароларга ҳамдардлик билдирди ва жароҳатланганларга тезроқ соғайиб кетишни тилади.

Шунингдек, у бу оғир дамларда ўз мамлакатининг Швейцария халқини қўллаб-қувватлашини билдирди.

Эслатиб ўтамиз, Швейцариядаги тоғ-чанғи курортида ёнғин содир бўлиб, 40 киши ҳалок бўлди.