Давлат раҳбари Подшоҳ Абдулла II ни «Алтын Қыран» ордени билан тақдирлади
ASTANА.Кazinform – Қасим-Жомарт Тоқаев Иордания Подшоҳи Абдулла бин Ал-Ҳусайн II га Қозоғистон Республикасининг олий давлат мукофоти – «Алтын Қыран» орденини топширди, деб хабар беради Ақорда матбуот хизмати.
Президент тақдирлаш маросимидаги нутқида Қозоғистон билан Иордания Ҳошимийлар Подшоҳлиги ўртасида мустаҳкам шериклик муносабатлари ўрнатилгани, Подшоҳ Абдулла II Қозоғистон-Иордания алоқаларини мустаҳкамлашга катта ҳисса қўшганини таъкидлади.
– Подшоҳ жаноби олийларининг сўнмас иродаси туфайли ўзаро манфаатлар йўлида иқтисодий ва сармоявий интеграциядан тортиб, маданий-маърифий соҳаларгача бўлган ҳамкорликни мустаҳкамладик. Буюк давлат арбоби, тинчлик ҳимоячиси, донишмандлик намунаси сифатида фаолиятингиз бутун дунёда кўплаб одамларни илҳомлантирмоқда. Қозоғистон халқи сизни алоҳида ҳурмат қилади. Биз Иордания шунчаки шерик эмас, балки ҳақиқий дўст эканлигидан фахрланамиз. Подшоҳ жаноби олийларининг кучли раҳбарлигида Иордания минтақада барқарорлик, динлараро мулоқот ва инсонпарварлик ишларини ривожлантиришда муҳим рол ўйнайди. Бу қадриятлар Қозоғистоннинг тинчлик, бағрикенглик ва дипломатияга содиқлигига мос келади. Сизнинг улкан саъй-ҳаракатларингиз ва доимий қўллаб-қувватлашингиз туфайли биз ўзаро ҳамкорлигимиз истиқболига катта умид билан қараймиз, – деди Давлат раҳбари.
Подшоҳ Абдулла бин Ал-Ҳусайн II Қасим-Жомарт Тоқаев ва қардош қозоқ халқига уни Қозоғистоннинг олий давлат мукофотига муносиб кўргани учун ўз миннатдорчилигини билдирди.
Президентнинг Иорданияга расмий ташрифи доирасида 10 та ҳужжат имзолангани ҳақида аввалроқ хабар берган эдик.
