Давлат раҳбари шахмат бўйича жаҳон чемпиони Бибисара Асаубаевани қабул қилди

NUR-SULTAN. Kazinform - Қасим-Жомарт Тоқаев шахмат бўйича жаҳон чемпиони Бибисара Асаубаевани қабул қилди, деб хабар беради Ақорда матбуот хизмати.

Президент Варшавада ўтказилган жаҳон чемпионатида шахматнинг «блиц» туридан олтин ва «рапид» тури бўйича кумуш медални қўлга киритган ёш шахматчини табриклади.

Бибисара Асаубаева Қасим-Жомарт Тоқаевга кўрсатган ёрдами учун миннатдорчилик билдирди ва спортдаги келажак режалари билан ўртоқлашди.

Давлат раҳбари Бибисара Асаубаева бундан кейин ҳам жаҳон шахмат ареналарида Қозоғистон шарафини муносиб ҳимоя қилишига ишонч билдирди ва унга ғалаба тилади.