Давлат раҳбари Буюк Британия Бош вазирини табриклади

NUR-SULTAN. Kazinform - Давлат раҳбари Буюк Британия Бош вазири Лиз Трассга табрик телеграммаси йўллади, дея хабар бермоқда Kazinform Ақорда расмий сайтига таяниб.

Қасим-Жомарт Тоқаев Лиз Трассни Буюк Британия ва Шимолий Ирландия Бирлашган Қироллиги Бош вазири этиб тайинлангани билан Қозоғистон халқи ва шахсан ўз номидан табриклади.

Қасим-Жомарт Тоқаев Лиз Трасс раҳбарлиги даврида Буюк Британия янада гуллаб-яшнаган ва барқарор давлат яратиш йўлида изчил олға боришига ишонч билдирди.

«Қозоғистон Буюк Британия билан мустаҳкам дўстона алоқалар, умумий қадриятлар ва устуворликларга асосланган узоқ йиллик стратегик шерикликни юксак қадрлайди. Қозоғистон-Британия кўп томонлама муносабатларини янада мустаҳкамлаш ва долзарб глобал муаммолар бўйича позицияларимизни мувофиқлаштириш мақсадида яқин ҳамкорликка тайёр эканлигимни билдирмоқчиман»

, — дейилади Давлат раҳбари телеграммасида.