Чимкентда Бирлашган Араб Амирликларининг Бош консуллиги очилади
Чимкент туризм ва ташқи алоқалар бошқармаси бошлиғи Ерлан Қидиров матбуот анжуманида маълум қилганидек, мазкур масала Қозоғистон Республикаси Ташқи ишлар вазирлиги ва БААнинг Қозоғистондаги Элчихонаси билан ҳамкорликда амалга оширилади.
Ерлан Қидировнинг сўзларига кўра, Чимкентнинг сармоявий жозибадорлигини ошириш ва унинг туристик салоҳиятини жорий этиш учун ташқи алоқаларни ривожлантириш муҳим. Шу билан бирга, хорижий дипломатия ва компаниялар вакиллари билан бир қанча самарали учрашувлар ўтказилди. Айни пайтда Чимкент 10 та шаҳар билан қардошлик алоқаларини ўрнатган бўлса, йил охиригача яна 7 та шаҳар билан ҳамкорликни йўлга қўйиш режалаштирилган. Улар орасида Хитойнинг Далянь ва Сиань, Италиянинг Генуя, Озарбайжоннинг Ганжа, Литванинг Каунас, Болгариянинг Пловдив, Татаристоннинг Қозон шаҳарлари бор.
«Йилнинг биринчи ярмида Наврўз ва Шаҳар куни каби байрамлар доирасида «ДамДасТоur», «Музқаймоқ Фест» гастрономик фестивалларидан иборат қатор тадбирларни ташкил этишга эътибор қаратамиз, кузда эса биз иқтидорли ёшлар ва туризм бизнесини қўллаб-қувватлаш мақсадида имидж тадбирларини яратиш бўйича катта режалар мавжуд. Бу даврда ҳунармандларни қўллаб-қувватлаш мақсадида «Shymkent Mobilography Fest», «Shymkent Toutism Awards» танлови, роботда лазер шоуси, «Этно Чимкент» фестивалини ўтказишни режалаштирганмиз», — деди бошқарма раҳбари.
Жорий йилнинг олти ойида Чимкентга ташриф буюрган сайёҳлар сони 216 249 нафарни ташкил этди. Ва «экспресс-статистик» маълумотларга кўра, 9 ой ичида шаҳарга 300 мингга яқин сайёҳ келиши кутилмоқда. Чимкент шаҳри сайёҳларнинг умумий сони бўйича республикада Алмати ва Нур-Султан шаҳарларидан кейин учинчи ўринда туради.
Муаллиф: Қайрат Зайнишев
