Чимкентда 141 кишида коронавирус аниқланди
Мамлакатдаги эпидемиологик вазиятга кўра, Чимкент шаҳри «қизил зона»га ўтди. Шаҳарда сўнгги бир суткада 141 киши коронавирус юқтирган. Касалланганлардан 47 нафари касалхонага ётқизилди, 94 нафари уй назоратига олинди. Бугунги кунга қадар ихтисослаштирилган юқумли касалликлар шифохоналарида жами 253 ўрин тайёрланди. Ўрин-жойнинг бандлиги 66% ни ташкил қилади. Яъни 86 та ўрин бўш. Юқумли касалликлар шифохонасида 167 нафар бемор даволанмоқда, реанимация бўлими 59 ўринга эга. У ерда 13 нафар бемор даволанмоқда.
Жорий йилнинг 7 январ ҳолатига кўра, эмлаш кампанияси бошлангандан бери 592 808 нафар фуқаро эмланган. Улардан 576 174 киши вакцинанинг иккита компонентини олган, Pfizer вакцинасининг I компонентини 16 840 киши ва II компонентини эса 6 972 киши олган. Шунингдек, 34 962 киши ревакцинацияланди.
Мегаполиснинг бош шифокори Бахитжан Позилов барча аҳолини санитария талабларига риоя қилишга, эмланмаганларни эмлашга ва ревакцинацияга чақирди.
Муаллиф: Қайрат Зайнишев
