Чет элда эмланган кишига Қозоғистонда вакцинация паспорти бериладими

NUR-SULTAN. Kazinform – Чет элда вакцина билан эмланган кишига Қозоғистонда вакцинация паспорти бериладими? Ушбу саволга Нур-Султан шаҳрининг жамоат соғлиқни сақлаш бошқармаси бошлиғининг ўринбосари Алия Рустемова жавоб берди, деб хабар беради Kazinform мухбири.

«Агар одам Қозоғистон Республикасидан ташқарида вакцина билан эмланган бўлса, у бу ерда вакцинация паспортини ололмайди», - деди Алия Рустемова.

Шунингдек, у вакцинация паспорти eGov мобил иловасида яратилганлигини, ва тиббиёт ташкилотларида ахборот тизимлари билан бирлаштирилганлигини эслатди.

«Бемор эмлашга келган пайтдан бошлаб иккинчи компонентни жорий қилишгача бўлган барча нарсалар ахборот тизимига киритилади ва эмлаш паспорти автоматик равишда eGovда яратилади. Унда қайси тиббий ташкилот вакцинани олгани, шифокорнинг маълумотлари, дастлабки серияси ва қайси вакцина билан эмланганлиги аниқ кўрсатилган. Шунинг учун чет элда эмланганлар Қозоғистонда паспорт ололмайдилар», - дея тушунтирди Алия Рустемова.

Муаллиф: Есимжан Нақтибай