Чемпионлар лигаси: "Реал Мадрид" Англияда "Манчестер Сити"ни мағлуб этди

ASTANА. Кazinform - UEFА Чемпионлар лигаси плей-офф босқичининг дастлабки ўйинлари бўлиб ўтди.

Мухлислар мусобақанинг ушбу босқичида Англиянинг “Манчестер Сити” ҳамда Испаниянинг “Реал Мадрид” клублари ўртасидаги учрашувга алоҳида эътибор қаратишди. Жаҳон футболида кўпчилик уларнинг ўйинларига жиддий эътибор қаратади.

Учрашув давомида ҳар икки жамоа ҳам ғалаба қозониш учун бор кучини сарфлади. Ўйиннинг биринчи бўлимида инглиз футболчилари кўпроқ ҳужум қилишди. Улардан Эрлинг Холанд 19-дақиқада гол урган бўлса, унга Килиан Мбаппе 60-дақиқада гол билан жавоб қайтарди.

80-дақиқада эса Эрлинг Холанд пенальтидан фойдалана олмади. “Реал” аъзоси Браим Диас 86-дақиқада, Жуд Беллингем эса 92-дақиқада гол уриб, якуний ҳисобни ўрнатди.

Ашаддий рақиби устидан меҳмонда 3:2 ҳисобида зафар қучган Испания клуби мусобақанинг кейинги босқичига чиқиш имкониятини оширди.

Шунингдек, Франциянинг “Брест” жамоаси ўз майдонида шу мамлакатнинг “ПСЖ” жамоасига, Португалиянинг “Спортинг”и Германиянинг “Боруссия”сига 0:3, Италиянинг “Ювентус” жамоаси Нидерландиянинг “ПСВ” жамоасига 2:1 ҳисобида имкониятни бой берди.

Мусобақанинг ушбу турида бугун, 12 февраль куни “Брюгге” (Бельгия) ва “Аталанта” (Италия), “Селтик” (Шотландия) ва “Бавария” (Германия), “Фейеноорд” (Нидерландия) ва “Милан” (Италия), “Монако” (Франция) ва “Бенфика” (Португалия) жамоалари тўқнаш келишади.

Эслатиб ўтамиз, аввалроқ Ўзбекистоннинг ампутант футболчилари Осиё чемпионати финалига чиққани ҳақида хабар берган эдик.