Чемпионлар лигаси: “Қайрат”нинг иккинчи саралаш босқичидаги рақиби аниқ бўлди

ASTANА. Кazinform –  “Қайрат”(Алмати шаҳри) футбол жамоасининг UEFА Чемпионлар лигасининг иккинчи саралаш босқичидаги рақиби аниқ бўлди.

Мусобақанинг ушбу босқичида Алмати жамоаси энди Финляндиянинг «КуПС» жамоасига қарши ўйнайди. “Қайрат” илк ўйинини 22 июль куни меҳмонда ўтказади, 29 июль куни Алмати шаҳрида рақибини қабул қилади.

Эслатиб ўтамиз, Қозоғистон клуби биринчи саралаш босқичида Словениянинг “Олимпия” жамоасини (1:1, 2:0) мағлуб этганди.

Алмати клуби мунтазам равишда еврокубок ўйинларида қатнашади. Бироқ сўнгги икки йилда у мусобақаларда қатнашмади. 2022/23 йилги мавсумда улар Конференция лигасининг иккинчи саралаш босқичида Венгриянинг “Кишварда” жамоасига икки бор (0:1, 0:1) мағлуб бўлган эди.

Шунингдек, бу йил Қозоғистоннинг “Ақтўбе”, “Ордабаси” ва “Астана” клублари Конференция лигасида мамлакат шарафини ҳимоя қилади.

Эслатиб ўтамиз, аввалроқ UEFA Европа футбол клубларининг янгиланган рейтингини эълон қилгани ҳақида хабар берган эдик.