Бурятия конида қор кўчкиси: олти кишининг жасади топилди

ASTANА. Каzinform – Россиянинг Бурятия вилоятидаги Ирокинда конида қор кўчкиси оқибатида ҳалок бўлган олти кишининг жасади топилди, деб хабар беради ТАСС.

Россия Фавқулодда вазиятлар вазирлиги маълумотларига кўра, қидирув-қутқарув ишлари якунланди.

– Кўчки содир бўлган жойда яна икки кишининг жасади топилди. Шундай қилиб, олти кишининг жасади қор остидан чиқариб олинди, — дейилади вазирлик хабарида.

Ҳодиса кон ҳудудида қор кўчиши туфайли содир бўлган. Қутқарувчилар бир неча кундан бери қидирув ишларини олиб борди.

Ҳодиса сабаблари ҳозирда аниқланмоқда.