Бугун Уимблдонда Елена Рибакина ярим финал йўлланмаси учун курашади

ASTANА. Каzinform – Қозоғистоннинг биринчи ва жаҳоннинг 3-ракеткаси Елена Рибакина бугун Лондонда бўлиб ўтаётган Уимблдон турнирида чорак финал учрашувини ўтказади, деб хабар беради Kazinform мухбири.

Қозоғистонлик теннисчи ярим финал йўлланмаси учун дунёнинг 6-ракеткаси тунислик Онс Жабер билан куч синашади.

Бу уларнинг ўзаро бешинчи ўйини бўлади.

Ҳозиргача теннисчилар тўрт марта тўқнаш келишган. Ухань турнирининг 2019 йилги иккинчи даврасида Е.Рибакина 6:1, 6:7 (3:7), 6:2 ҳисобида зафар қучди. 2021 йилда эса О.Жабер Дубайда 7:6 (8:6), 4:6, 6:2, АҚШнинг Чикаго шаҳрида ярим финалда 6:4, 3:2 (Е. Рибакина мусобақани давом эттиришдан бош тортди)) ҳисобида зафар қучди.

Маълумки, Елена Рибакина ўтган йили Уимблдон финалида тунислик теннисчини 3:6, 6:2, 6:2 ҳисобида мағлуб этган ва қозоғистонлик теннисчилар ўртасида илк бор «Катта дубулға» мусобақаси чемпионига айланган эди.

Бу йил О.Жабер реванш олиш учун бор маҳоратини ишга солишини аллақачон маълум қилган.

Учрашув Астана вақти билан 18.30да бошланади.

Эслатиб ўтамиз, аввалроқ Елена Рибакина Уимблдоннинг чорак финалига йўлланма олгани ҳақида хабар берган эдик.

Муаллиф: Ғайсағали Сейтақ