Бугун ҚР Бош вазири Алматидаги иқтисодий форумда иштирок этади

ASTANA. Kazinform – Бугун Қозоғистон Республикаси Бош вазири Алихан Смаилов Алмати шаҳрида бўлиб ўтаётган «Европа Иттифоқи – Марказий Осиё» иккинчи иқтисодий форумида иштирок этади, деб хабар беради Kazinform.

ҚР Ҳукумати расмий сайти хабарига кўра, форумнинг панелли мажлислари доирасида икки ҳудуднинг иқтисодий алоқаларини мустаҳкамлашнинг долзарб масалалари муҳокама қилиняпти. Улар орасида:

тадбиркорлар ўртасидаги савдо алоқаларини ривожлантириш;

мультимодаль юк ташишни амалга ошириш;

савдо йўллари инфратузилмасини модернизация қилиш;

тижорат операциялари соҳасида рақамли ечимларни амалга ошириш;

давлат томонидан тартибга солиш ва бошқалар мавжуд.

Олий даражадаги сессияда Қирғизистон, Тожикистон Бош вазирлари, Туркманистон ва Ўзбекистон ҳукуматларининг расмий вакиллари, Европа комиссияси, Европа давлатлари органлари ва халқаро молия ташкилотлари раҳбарлари, ишбилармон гуруҳлар вакиллари ва бошқалар иштирок этиши кутиляпти.

Форум доирасида Қозоғистон Ҳукумати раҳбари икки томонлама учрашувлар ўтказади.