Бугун Қозоғистоннинг ғарбида ҳаво жуда иссиқ бўлади
Юқори босимли жабҳа таъсиридан республиканинг аксарият ҳудудларида ҳаво асосан ёмғирсиз бўлиши кутилмоқда. Фақат республиканинг шимоли, жануби-ғарби ва жануби-шарқида, тоғли ҳудудларида фронтал қисмлари ўтиши билан ёмғир ёғиб, момақалдироқ бўлиши мумкин, дўл ёғиши эҳтимоли бор.
«Республика бўйлаб кучли шамол бўлиши кутилмоқда, кечаси ва эрталаб шимоли-ғарбда туман тушиши мумкин.
Атирау, Ғарбий Қозоғистон, Ақтўбе вилоятларининг ғарби ва жанубида кундузи 35—38° гача жуда иссиқ бўлади.
«Атирау, Манғистау, Жамбил, Қизилўрда, Ғарбий Қозоғистон, Ақтўбе вилоятларида, Қостанай вилоятининг жанубида, Алмати вилояти шимолида, Туркистон вилоятининг шимоли, ғарби ва жанубида кучли ёнғин хавфи кутилмоқда», — дейилади синоптиклар хабарида.
Шимолий Қозоғистон, Қарағанди, Улитау вилоятлари, Алмати вилоятининг жанубида, Ақмола вилояти ғарби, шимоли, жанубида, Жетису вилоятининг ғарбида юқори ёнғин хавфи сақланиб туради.
