Бугун Европа лигасида чорак финал баҳслари бошланади

ASTANA. Kazinform – Бугун UEFA Европа лигаси чорак финалининг 1-тур ўйинлари бўлиб ўтади.

Cоат 21:50да «Легия» (Польша) ва «Челси» (Англия), 23:50 да «Лион» (Франция) ва «Манчестер Юнайтед» (Англия) учрашувлари «Qazsport» телеканали орқали жонли эфирда намойиш этилади.

23:55да эса мухлислар «Тоттенхэм» (Англия) ва «Айнтрахт» (Германия) учрашувини «Qazaqstan» телеканали орқали томоша қилишлари мумкин. Яна бир учрашувда «Бодо-Глимп» (Норвегия) ва «Лацио» (Италия) жамоалари куч синашади.

Кейинги ўйинлар 17 апрель куни бўлиб ўтади. Ярим финал ўйинлари 1 ва 8 май кунлари, финал эса 21 май куни Испаниянинг Бильбао шаҳридаги «Сан-Мамес Баррия» стадионида бўлиб ўтади.

Европа Лигаси 2009 йилдан буён мунтазам ўтказиб келинмоқда. Ўтган йили Италиянинг «Аталанта» жамоаси турнир ғолиби бўлганди.

Эслатиб ўтамиз, Чемпионлар лигаси чорак финалининг биринчи давраси якунига етди. Ўз майдонида Германиянинг «Бавария»си Италиянинг «Интер»ига 1:2 ҳисобида имкониятни бой берган бўлса, Англиянинг «Арсенал» клуби Испаниянинг «Реал Мадрид» жамоасини 3:0 ҳисобида мағлуб этди.