Бугун - Абай куни
ASTANA. Kazinform - Бугун Абай куни. 10 август расман шоир Абай Қўнонбайулининг таваллуд топган куни ҳисобланади.
Абай Қўнонбайули 1845 йилда ҳозирги Абай вилояти, Абай тумани, «Қарауыл» қишлоғида туғилган.
Орадан 25 йил ўтиб Абай туғилган вилоят яна вилоят мақомини олди ва Абай номи билан аталди. Шундай қилиб, ҳозир мамлакатда икки шоир номидаги вилоят мавжуд. Бири - Жамбил, иккинчиси - Абай.
Абай мероси юзлаб шеърлари, ўнлаб қўшиқлари, поэмалари ва 50 га яқин «қара сөзі» билан ёдга тушади. У рус адабиётидан Пушкин ва Крыловни, Ғарб адабиётидан Гёте ва Байронни таржима қилган. «Масғұт», «Ескендір» шеърларини ўқиган киши шоирнинг Шарқ адабиёти дурдоналаридан яхши хабардор эканлигига ишонч ҳосил қилади. Ғарб ва Шарқ адабиётини ўзига сингдириб, қозоқ адабиётини ундан олган озуқа билан бойитган мутафаккирни миллий маънавият ислоҳотчисига тенглаштирганлар ҳам бор.
Адабиёт назариясида Абай қозоқ ёзма адабиётининг бошида турган шахс сифатида тасвирланади. Ундан кейинги “Абай шеърият мактаби” сифатида Алаш зиёлиларининг адабий ривожига ўз таъсирини ўтказди ва ибрат бўлди.
“Қозоғистоннинг бош шоири - Абай Қўнонбайули. Ўтмишда ҳам, яқинда ҳам қозоқ чўлида биз билган ундан катта шоир бўлмаган”, - деб ёзади халқ муаллими Ахмет Байтурсинули.
Бу Абай Қўнонбайулига берилган энг адолатли ва энг юқори баҳодир.
