Бу йил қозоғистонликлар 200 га яқин болани асраб олди

Мамлакатда болани асраб олиш қонун доирасида ҳал этилади. Ўтган йилга нисбатан бу йил фарзанд асраб олиш даражаси пасайган, деб хабар беради Kazinform мухбири.

“Болани асраб олиш “Никоҳ ва оила тўғрисида”ги Кодексга мувофиқ амалга оширилади ва якуний қарор суд томонидан қабул қилинади. Ўтган йили етим ва ота-она қарамоғисиз қолган болалар ташкилотларидан 204 нафар бола асраб олинган бўлса, жорий йилда 190 нафар бола асраб олинган. Ҳозир 100 дан ортиқ ташлаб кетилган болалар ана шундай ташкилотларда тарбияланмоқда”, - деб жавоб берди Таълим ва маориф вазирлиги Kazinform мухбирининг саволига.

Хорижликлар фарзанд асраб олмоқчи бўлган аккредитациядан ўтган идоралар орқали мурожаат қилишлари мумкин. Қарор суд томонидан қабул қилинади.

Ўтган йили чет эл фуқаролари 1 нафар болани асраб олган бўлса, бу йил чет элликлар Қозоғистондан фарзанд асраб олмаган.

“Никоҳ ва оила” кодексига кўра, болани асраб олган Қозоғистон фуқаролари вояга етгунга қадар боланинг ҳаёти, таълими, тарбияси ва соғлиғи ҳақида хабар бериши шарт. Дастлабки уч йил давомида ҳисобот йилига икки марта, кейин эса асраб олинган бола 18 ёшга тўлгунга қадар ҳар йили тақдим этилиши керак”, - дейилади вазирлик хабарида.

Муаллиф: Даулет Изтилеу