Бу йил Қозоғистонда тиббиёт ва фармацевтика йўналишида ўқиш ниятида бўлган абитуриентларга қанча грант ажратилади

ASTANА. Кazinform - Жорий йилда тиббиёт ва фармацевтика йўналиши бўйича таълим олиш ниятида бўлган абитуриентларга олий ва олий таълимдан кейинги таълим муассасаларида қанча ўрин ажратилиши маълум бўлди, деб хабар беради Кazinform мухбири.

Ashyq НҲА порталида эълон қилинган Соғлиқни сақлаш вазирининг буйруғи лойиҳасига кўра, жорий йилда давлат буюртмасидан келиб чиқиб, мамлакат олий таълим муассасаларига қуйидаги миқдордаги ўринлар ажратилади:

- давлат буюртмаси доирасида олий ва олий таълимдан кейинги таълим муассасаларида тиббиёт ва фармацевтика маълумотига эга мутахассисларни тайёрлаш учун 1100 та ўрин;

- олий ва олий таълимдан кейинги таълим муассасаларида тиббиёт ва фармацевтика маълумотига эга бўлган мутахассисларни тайёрлаш бўйича танлов асосида 1600 ўрин;

- тиббиёт кадрларини тайёрлайдиган олий ва олий таълимдан кейинги таълим муассасаларида тиббиёт ва фармацевтика маълумотига эга мутахассисларни тайёрлаш бўйича танлов асосида 275 та ўрин;

- тиббиёт кадрларини тайёрлайдиган ва алоҳида мақомга эга бўлган олий ва олий таълимдан кейинги таълим муассасаларида тиббиёт ва фармацевтика маълумотига эга мутахассисларнинг магистратурада малакасини ошириш учун 50 та ўрин;

- PhD докторантурада тиббиёт ва фармацевтика маълумотига эга мутахассислар тайёрлаш учун 160 та ўрин;

– Олий таълим муассасасидан кейинги тиббий маълумотга эга мутахассисларни ординатурада тайёрлаш учун 2500 ўрин ажратилади.

Бу жойлар қайси таълим муассасаларига ажратилганлиги ҳақида батафсил маълумотни ушбу ҳавола орқали олишингиз мумкин.

Буйруқ лойиҳаси 25 июлга қадар умумхалқ муҳокамасида бўлади.

Муаллиф: Алихан Асқар