Бу ҳафта Россия ва Украина учун муҳим бўлади – Трамп

ASTANA. Kazinform – АҚШ президенти Дональд Трамп Америка воситачилигида Россия-Украина можароси яқин орада якун топишига умид билдирди. Унинг таъкидлашича, Америка қайта тикланиш ва савдога эътибор қаратишни истайди.

“Балки бу Россия ва Украина учун буюк кундир! Тинимсиз «қонли тщкиш» тугаса, сақлаб қолинадиган юз минглаб инсон ҳаёти ҳақида ўйлаб кўринг. Мен бу содир бўлиши учун ҳар икки томон билан ишлашда давом этаман. АҚШ қайта тикланиш ва савдога эътибор қаратишни истайди. Олдинда муҳим ҳафта турибди!” — деб ёзди Дональд Трамп Truth Social ижтимоий тармоғида.

Трамп пайшанба куни Туркияда можаро томонларнинг учрашуви бўлиб ўтиши мумкинлигини айтди.

“Россия президенти Путин Украина билан ўт очишни тўхтатиш тўғрисида битим тузмоқчи эмас, аксинча, пайшанба куни Туркияда учрашиб, қон тўкилишини тўхтатиш бўйича музокаралар ўтказмоқчи. Украина бунга зудлик билан рози бўлиши керак”, – деб ҳисоблайди АҚШ президенти.

Америка раҳбари таъкидлашича, учрашув «битим қилиш мумкинми» ва «ҳолат қандай» эканини кўрсатиши мумкин, шунга қараб Европа етакчилари ва АҚШ тегишли ҳаракатларни амалга оширишлари мумкин бўлади.

Шу билан бирга, Трамп Украина Россия билан музокарага киришишига шубҳа билдирди. «Мен Украина Путин билан келишувга боришига шубҳаланаяпман», — деди у ва можароли томонларни қуйидагича чақирди: «Учрашувни бошлаймиз, ҳозирнинг ўзида!!!»

Эслатиб ўтамиз, Эрдоған Анқара Россия ва Украина ўртасидаги можарони барқарор ҳал этишга қаратилган музокаралар ташкил этишга тайёрлигини билдирди.