Брюсселдаги отишмада Исроил байроғини ушлаб турган 2 нафар швециялик ҳалок бўлди
Кеча кечқурун Брюсселдаги отишмада икки киши ҳалок бўлди, гумондор ҳозирча қўлга олинмаган. Бу ҳақда Бельгия пойтахти прокуратурасига таяниб, “Франc Пресс” агентлиги маълум қилди, деб хабар беради Кazinform агентлиги Euronewsга таяниб.
Фламандларнинг Het Laatste Nieuws газетаси сайтида жойлаштирилган видеода флуоресценттли қизил-сариқ кўйлак кийган эркак автоматдан бир нечта ўқ отиб, скутерда қочиб кетаётганини кўриш мумкин. Прокуратура вакили отишмага нима сабаб бўлганини ҳозирча айта олмаслигини, воқеа юзасидан тергов бошланганини маълум қилди.
Ҳужумчи "Аллоҳу Акбар!" деб қичқирган ва “Исломий давлат” гуруҳига алоқадорлигини ва шу орқали “мусулмонлардан ўч олишни ўйлаётганини” айтган.
Маҳаллий ОАВ маълумотларига кўра, ҳалок бўлганлар Швеция фуқароларидир. Улар Европа чемпионати саралаш ўйини доирасида Бельгия терма жамоаси билан ўйнаш учун Брюсселга келган Скандинавия терма жамоаси либосларини кийишган. Шунингдек, гувоҳларнинг сўзларига кўра, уларнинг машинасида Исроил байроғи бўлган.
La Libre маълумотларига кўра, Бельгия ҳужумдан сўнг террор таҳдиди даражасини энг юқори 4 даражага кўтарган. Бу "муҳим ва қочиб бўлмайдиган" деган маънони англатади. Бельгия - Швеция ўйини танаффусда тўхтатилди - швециялик футболчилар ўйинни давом эттиришдан бош тортишди, Бельгия терма жамоаси рози бўлди. Швеция футбол ассоциацияси президенти эвакуация қилинди.
Стадионга йиғилган мухлислар ва журналистлар ҳам хавфсизлик назоратига олинди.
