Брюсселда яна отишма юз берди

ASTANA. Kazinform – Брюссельнинг Андерлехт коммунасидаги метро бекатида скутер минган қуролли шахс ўқ узиб, бир эркакни оёғидан ярадор қилди.

Бу сўнгги ҳафталарда Европа пойтахтининг ушбу ҳудудида содир бўлган биринчи ҳодиса эмас.

Полиция бунга маҳаллий наркотик сотувчилари ўртасидаги қуролли тўқнашув сабаб бўлганини айтмоқда.

“Бу сафар бир киши оёғидан жароҳат олди”, – деб хабар беради Bruzz.

Кейин ҳужумчи скутерда қочиб кетган. Воқеа жойига соат 23:25 атрофида полиция чақирилган.

Жабрланувчига тиббий ёрдам кўрсатилиб, сўроқ қилинган. Шунингдек, бир қанча гувоҳлар аниқланган. Воқеа жойига эксперт ва суд-тиббиёт экспертлари етиб келган. Ҳозирда тергов давом этмоқда.

Февраль ойи бошидан буён Андерлехт коммунасида наркотик тўдалари ўртасидаги тўқнашувлар оқибатида икки киши ҳалок бўлди.

5 февраль куни эрталаб соат олтиларда Клеменсо метро бекатида икки киши Калашников автоматидан ўқ узган. Ҳеч ким жабрланмади.

Эртаси куни эрталаб соат учдан ўттизларда Клеменсо яқинида яна ўқ узилди. Бу сафар ўткинчи оёғидан жароҳат олди.

7 феврал куни эрталаб соат 4 лар атрофида Питербос туманида отишма бўлиб, бир киши ҳалок бўлди.

15 февраль куни соат 21:30 атрофида эса «Клемансо» метро бекатида отишма бўлиб, 19 ёшли йигит ҳалок бўлган, жиноятчи қочишга муваффақ бўлган.

Эслатиб ўтамиз, аввалроқ Брюссель метро туннелида жасад топилгани ҳақида хабар берган эдик.