Brent нефтининг нархи 2014 йил августидан бери илк бор 108 доллардан ошди

NUR-SULTAN. Kazinform – 2022 йил май ойида Лондоннинг ICE биржасида етказиладиган Brent нефтининг фьючерслари нархи 3,05 фоизга ошиб, бир баррели учун 108,17 долларни ташкил қилди, дея хабар беради Kazinform ТАСС агентлигига таяниб.

Brent маркали нефт 3,32 фоизга ошиб, бир баррели учун 108,46 доллардан сотилди. Охирги марта Brent нефтининг нархи 2014 йилнинг августида бир баррел учун 108 доллардан ошган эди. WTI маркали нефтининг фьючерслари нархи 3,81 фоизга ошиб, бир баррели учун 107,22 долларни ташкил қилди.