Бош вазир Олжас Бектенов бугун Ўзбекистонга ташриф буюради

TASHKENT. Kazinform – ҚР Бош вазири Олжас Бектенов Тошкент халқаро инвестиция форумида иштирок этиш учун бугун Ўзбекистон пойтахтига ташриф буюради, дея хабар беради Kazinform агентлиги мухбири.

Бу ҳақда Ўзбекистон Президенти матбуот котиби Шерзод Асадов маълум қилди.

“Бугун мамлакатимиз пойтахтида Тошкент халқаро инвестиция форуми бўлиб ўтади. Тадбирда 3 мингдан ортиқ хорижий давлат раҳбарлари иштирок этади. Улар орасида Болгария президенти Румен Радев, Словакия бош вазири Роберт Фицо, Қозоғистон бош вазири Олжас Бектенов бор”, — деди Шерзод Асадов.

Кенг миқёсдаги тадбирда Марказий Осиёнинг бошқа мамлакатлари бош вазирлари, инвесторлар, халқаро молия ташкилотлари раҳбарлари ҳам иштирок этади. Форумга Ўзбекистон Президенти Шавкат Мирзиёев раислик қилади.

“Форумда давлат раҳбари жорий глобал муаммоларнинг жаҳон иқтисодиётига таъсирини инобатга олган ҳолда ҳамкорликнинг асосий йўналишларини белгилаб берувчи ташаббусларни илгари суради”, — деди Шерзод Асадов.

Эслатиб ўтамиз, бу йил Ўзбекистонда “Марказий Осиё-Европа Иттифоқи” иқтисодий форуми бўлиб ўтади.