Бокс бўйича Осиё чемпионати: Оразбек Асилқулов ринг эгасини мағлуб этди

ASTANА. Кazinform - Таиланднинг Чиангмай шаҳрида бокс бўйича эркаклар ва аёллар ўртасидаги Осиё чемпионатининг олтинчи кунида Оразбек Асилқулов биринчи бўлиб рингга чиқди.

Асилқулов 57 кг вазн тоифасида ринг соҳиби Фануват Чужанат билан куч синашди.Оразбек биринчи раундда устунликка эга бўлди – 4:1.

Иккинчи раундда эса 3:2 ҳисоби қайд этилди. Учинчи раундда ҳам Оразбек шиддатини пасайтирмади. Якуний ҳисоб - 5:0.

Шу тариқа Оразбек Асилқулов ярим финалга чиқди. Бу камида бронза медали демакдир.

Бугун қозоғистонлик яна беш нафар боксчи чорак финалда баҳс олиб боради.

Эслатиб ўтамиз, аввалроқ пайшанба куни бокс бўйича Осиё чемпионатида Қозоғистон шарафини 6 нафар спортчи ҳимоя қилиши ҳақида ёзган эдик.