Бочча бўйича қозоғистонлик спортчилар Осиё ўйинларига борди

Бочча бўйича Қозоғистон терма жамоаси тарихда илк бор Хитойнинг Ханчжоу шаҳрида бўлиб ўтадиган Осиё пара ўйинларида иштирок этмоқда. Эслатиб ўтамиз, мусобақа анъанавий тарзда стандарт спортчилар қатнашадиган Осиё ўйинлари билан бир жойда бўлиб ўтади, деб хабар беради Kazinform.

Пара-спортчиларни пойтахт аэропортидан кузатиш учун яқинлари ва дўстлари, оммавий ахборот воситалари вакиллари, шунингдек, ушбу спорт тури мухлислари ташриф буюрди.

Эслатиб ўтамиз, бочча - тўп билан ўйнаб, таянч-ҳаракат тизимида нуқсони бўлган болалар ва катталарга спортда ўзини намоён қилиш имконини берувчи паралимпия спорт турларидан биридир.

Ушбу спорт тури ўйинчиларини 2021 йилда имконияти чекланган болаларни тарбиялаётган ота-оналар ва “Тенг имкониятлар дунёси” жамғармаси мураббийлари ташаббуси билан ташкил этилган Қозоғистон Бочча федерацияси тайёрлайди.

Федерациянинг Қозоғистон ҳудудида 10 та бўлими мавжуд.

Федерация имкониятларини кенгайтиришда унинг президенти, Сенат раиси Маулен Ашимбаев муҳим ўрин тутади.

Жорий йилда Қозоғистон бочча федерацияси расман Халқаро бочча федерациясига (BISFed) аъзо бўлди.

Бу - катта ютуқ, чунки федерацияга аъзо бўлиш спортчилар учун янги имкониятлар очади.

Бунинг эвазига маҳаллий федерация вакиллари бочча бўйича халқаро мусобақаларда: челленджерлар, жаҳон чемпионатлари, Паралимпия ва Осиё Параўйинларида иштирок этишлари мумкин.

Июнь ойида мамлакатда кенг кўламли мусобақа – Қозоғистон Республикаси чемпионати бўлиб ўтди.

Унинг натижаларига кўра, Хитойга борадиган жамоа таркиби аниқланди.