БМТ Бош котиби расмий ташриф билан Ўзбекистонга борди
ТASHKENT. Кazinform - БМТ Бош котиби Антониу Гутерриш расмий ташриф билан Ўзбекистонга борди, дея хабар беради Кazinform агентлигининг Тошкентдаги мухбири Алихан Асқар.
Нью-Йоркдан Тошкентга “Ўзбекистон ҳаво йўллари” Миллий авиакомпаниясининг навбатдаги рейси билан келган мартабали меҳмонни аэропортда Ўзбекистон Бош вазири Абдулла Арипов кутиб олди.
БМТ Бош котибининг Ўзбекистонга расмий ташрифи 1 июлга қадар давом этади. Унда Антониу Гутерриш ва Шавкат Мирзиёев Ўзбекистоннинг БМТ ва унинг институтлари билан кўп режали ҳамкорлигини мустаҳкамлаш масалаларини муҳокама қилади.
Шунингдек, ташриф доирасида БМТ Бош котиби қатор саноат ва ижтимоий соҳа объектларига ташриф буюриб, икки томонлама учрашувлар ўтказади.
Эслатиб ўтамиз, Антониу Гутерриш 3-4 июль кунлари Алмати ва Астана шаҳарларида бўлиб, Қозоғистон Президенти Қасим-Жомарт Тоқаев ва бошқа олий мартабали расмийлар билан учрашув ўтказади. Бош котиб 4 июль куни Астана шаҳрида бўлиб ўтадиган Шанхай ҳамкорлик ташкилоти саммитида иштирок этади ва “ШҲТ+” сессиясида нутқ сўзлайди.
