Биз озиқ-овқат етказиб бериш ишида сиёсатга аралашмаслигимиз ва уни ҳар қандай санкциялардан озод қилишимиз керак – Тоқаев
«Ушбу вазият туфайли озиқ-овқат хавфсизлиги глобал кун тартибида алоҳида аҳамиятга эга бўлди. Бугунги кунда дунёдаги энг йирик тўртта озиқ-овқат ишлаб чиқарувчи давлатдан учтаси БРИКСга аъзо. БРИКС мамлакатлари қишлоқ хўжалигидаги ялпи ички маҳсулотнинг умумий миқдори эса жаҳон индексининг ярмидан кўпини ташкил этади. Мамлакатларимиз ўртасидаги озиқ-овқат номутаносиблигини камайтириш учун тегишли чоралар кўришимиз керак. Биз дунёда озиқ-овқат ва ўғит етказиб беришда сиёсатга аралашмаслигимиз, уларни ҳар қандай санкция ва чекловлар таъсиридан озод қилишимиз керак», – деди Президент Қасим-Жомарт Тоқаев.
Унинг сўзларига кўра, Жанубий Африка Республикаси раислигида «БРИКС ва Африка» шиорига кўра, Қозоғистон ҳам БРИКС мамлакатлари ва Африка Иттифоқи билан кўп томонлама ҳамкорликни мустаҳкамлашга интилади.
«Қозоғистон иштирокчи давлат сифатида БРИКС салоҳиятини оширишга ҳисса қўшмоқчи. Ишончим комилки, глобал хавфсизлик, барқарор ривожланиш ва инклюзивликни таъминлашга қаратилган жамоавий саъй-ҳаракатларни кучайтириш зарур», – деди Давлат раҳбари.
