Биринчи юк поезди Хитойдан Афғонистонга жўнаб кетди
ASTANA. Kazinform - Хитой жануби-ғарбидаги Чунцин шаҳрини Афғонистон билан боғловчи биринчи тўғридан-тўғри темир йўл йўналиши ишга туширилди, дея хабар беради Kazinform Синьхуа агентлигига таяниб.
Юк поезди Чунцин шаҳридаги Туаньцзецунь станциясидан Афғонистоннинг Ҳайратан шаҳрига йўл олди.
Хитой телекоммуникация гиганти ZTE компанияси томонидан ишлаб чиқарилган 55 та контейнерда алоқа ускунасини олиб кетаётган поезд Шинжон-Уйғур автоном райони (Шимолий-ғарбий Хитой)нинг “Хоргос” назорат-ўтказиш пунктида давлат чегарасини кесиб ўтиб, Қозоғистон ва Ўзбекистон орқали Ҳайратонга етиб боради. Бутун йўл давомийлиги 12-15 кун давом этиши керак.
Хабар қилинишича, юк Афғонистоннинг ижтимоий-иқтисодий ривожланишига ҳисса қўшиш мақсадида маҳаллий алоқа тармоқларини қуришни қўллаб-қувватлашга сарфланади.
“Тўғридан-тўғри темир йўл орқали юк ташиш схемасидан фойдаланганда ташиш вақти автомобиль ташувига нисбатан 3-5 кунга, логистика харажатлари эса 15-20 фоизга қисқариши назарда тутилган. Бу юкларни ташиш ва етказиб бериш хавфсизлиги ва самарадорлигини кучайтиради”, — деди ZTE ходими Лю Цзяньфэн.
Аввалроқ Хитойнинг Марказий Осиё мамлакатлари билан савдо айланмаси 2024 йилда рекорд даражага этгани хабар қилинганди. Шунингдек, Қозоғистон ва Хитой ўртасидаги темир йўл ташиш ҳажми тарихий максимал даражага етди.
