Бельгия Бош вазири: Қиш қийин кечади

BRUSSELS. Кazinform - Бельгия Бош вазири Александр Де Кроо Бельгия иқтисодиёти учун қийин даврни прогноз қилмоқда. Бу ҳақда у душанба куни Зебрюггедаги маҳаллий портга ташрифи чоғида маълум қилди, деб хабар беради Kazinform мухбири.

Зебрюгге порти Бельгиядаги иккинчи йирик порт (Антверпен портидан кейин) ва Европадаги энг замонавий портлардан бири ҳисобланади. Бельгия оммавий ахборот воситаларининг ёзишича, ҳар йили Зебрюгге порти орқали 2 миллионга яқин автомобил жўнатилади.

А.Кроо Зебрюгге портида фаолият юритувчи ICО Тerminals транспорт компаниясида амалиётда қатнашди. Амалиёт Фламанд тадбиркорлар ва иш берувчилар палатаси «Voka» ташаббуси билан амалга оширилади.

«Vokа» бош директори Ханс Мартенс таъкидлашича, Фламанд иқтисодиёти устида «бўронли булутлар» пайдо бўлмоқда ва рекордларни бузишда давом этаётган энергия нархлари туфайли кўплаб компаниялар учун «қора қор» кутилмоқда.

Ўз навбатида, Александр Де Кроо мамлакатни энергия нархлари ва умуман иқтисодий шароитлар билан боғлиқ энг ёмон ҳолатга тайёрланишга чақирди.

«Аслида биз газга қарамликни камайтиришимиз ва қайта тикланадиган энергия манбаларига кўпроқ сармоя киритишимиз керак. Биз назорат қила олмайдиган газнинг жаҳон нархларига боғлиқ бўлмаслик учун. Қиш қийин бўлади ва умуман, келгуси қиш қийин бўлади. Биз бундан қутулишимиз керак. Энг яхшисига умид қилиш, энг ёмонига тайёрланиш», — деди Бош вазир.

Александр де Кроонинг фикрича, Бельгияликлар ушбу оғир дамларда бир-бирларини қўллаб-қувватласалар, Бельгия инқирозни енгиши мумкин. «Биз буни ўзимизга ишонч ва қатъият билан уддалай оламиз», - деди Бош вазир.

«Биз иқтисодий таназзулга кетяпмиз ва келгуси йилларда иқлим ва энергетика ўзгаришлари, шунингдек, геосиёсий вазиятнинг ўзгариши муносабати билан иқтисодиётимиз таркибий ўзгаришларга дуч келиши аниқ», — халқаро иқтисодиёт профессори Филипп Абрахам. Бу ҳақда VRТ телеканалига КU Leven университети маълум қилди.

«Бу ўтиш қанча давом этишини ҳеч ким аниқ прогноз қила олмайди, аммо бу кўп йиллар давом этадиган қийинчилик эканлиги аниқ. Менимча, Бош вазир А. Кроо асосан буни таъкидламоқчи эди. Тушуниб олингки, бу йиллар осон бўлмаслиги мумкин, аммо керакли ҳаракатларни амалга оширсангиз, ечим топиш мумкин», — дея таъкидлади эксперт.

Шу ҳафтада Бельгияда электр энергияси нархи биринчи марта мегаватт-соат учун 600 евродан ошди.

Рекорд табиий газ нархлари, Франциядаги бир қанча атом электр станцияларининг тўхтатилиши ва сув сатҳининг пастлиги электр энергияси нархининг кескин ошишига сабаб бўлмоқда.

Фото: reyters.cоm

Муаллиф: Арнур Раҳимбеков