Балида паром чўкиб кетди, ўнлаб одамлар бедарак йўқолди

ASTANA. Kazinform - Индонезиянинг Бали ороли яқинида йўловчи паромининг чўкиб кетиши оқибатида 60 киши бедарак йўқолган, деб хабар берди Kazinform агентлиги BBCга таяниб.

Хабар қилинишича, ҳодиса паром Ява оролидан жўнаб кетганидан тахминан 25 дақиқа ўтгач содир бўлган.

AFP қидирув-қутқарув хизматларига таяниб хабар беришича, бортда 53 нафар йўловчи ва 12 нафар экипаж аъзоси бўлган.

Паром операторининг маҳаллий ОАВга айтишича, кема чўкиб кетишидан бироз олдин двигателда муаммолар юзага келган.

Ява оролидаги Баньюванги шаҳрининг полицияси бошлиғи Рама Самтама Путранинг AFPга айтишича, ҳодиса оқибатида тўрт киши ҳалок бўлган, 23 киши қутқарилган.

“23 киши қутқарилди, тўрт киши ҳалок бўлди”, - деди у.