БАА тадқиқотчилари инвазив бўлмаган қон оқими мониторинги технологиясини яхшилайди

ASTANA. Kazinform - Бирлашган Араб Амирликлари университети (UAEU) тадқиқотчилари пьезоэлектрик босим датчиклари ёрдамида қон оқимини жарроҳликсиз кузатишнинг янги технологиясини ишлаб чиқди, дея хабар беради Кazinform.

Ушбу технология механик стимуляция қилинганда электр майдонини яратадиган махсус материаллардан фойдаланишга асосланган бўлиб, бу қон оқимининг тезлиги ва ёпишқоқлиги каби муҳим физиологик параметрларни ўлчаш имконини беради.

Технологиянинг илғор версияси маълумотларни аниқроқ талқин қилишни таъминлайди ва тежамкорроқдир. Бу уни касалхонада ҳам, уй шароитида ҳам фойдаланишга яроқли қилади. Бундан ташқари, у қон қуйқалари каби ҳолатларни аниқлашга ёрдам берадиган реал вақтда маълумотларни тақдим этади.

— Бизнинг мақсадимиз – мавжуд технологияни янада аниқроқ ва фойдаланувчиларга қулай қилиш орқали такомиллаштириш, бу беморларга ҳам, тиббиёт ходимларига ҳам фойда келтиради, — деди тадқиқот гуруҳи раҳбари, профессор Маҳмуд Ал-Аҳмад.

Унинг қўшимча қилишича, келажакда жамоа тизимни такомиллаштириш ва уни қўллаш соҳаларини кенгайтириш учун сунъий интеллект технологияларини интеграция қилишни режалаштирмоқда.

Ушбу янгилик БААнинг тиббий технологияларни ривожлантириш ва импортга қарамликни камайтириш мажбуриятига мос келади. Бундан ташқари, у маҳаллий тиббий асбоб-ускуналар ишлаб чиқаришни кучайтиришга ёрдам беради ва мамлакатнинг билимга асосланган иқтисодиётга ўтишини қўллаб-қувватлайди.

Материал Kazinformнинг ахборот ҳамкори WАМ томонидан тақдим этилган.

Эслатиб ўтамиз, аввалроқ Англия Миллий соғлиқни сақлаш хизмати ёпилгани ҳақида хабар берган эдик.