БАА эмланмаган фуқароларга саёҳат қилиш тақиқини бекор қилди

ABU-DABI. Kazinform – 19 апрелдан бошлаб БААнинг эмланмаган фуқароларига мамлакат ташқарисига чиқишга рухсат берилади. Бунинг учун мамлакат фуқаролари ПЗР тестининг манфий натижасини олишлари ва ўз мақомини яшил рангга ўзгартириш учун «Al-Hosn» иловасида чиқиш аризасини тўлдиришлари керак, деб хабар беради Kazinform WAMга таяниб.

Янгиланган қоидаларни БАА Инқироз ва Фавқулодда вазиятларни бошқариш миллий бошқармаси (NCEMA) матбуот котиби доктор Тахер ал-Амери ҳукуматнинг COVID-19 пандемияси бўйича брифингида маълум қилди.

«Янги протокол БААнинг барқарор тикланиш ва нормал ҳолатга қайтиш сиёсатига мос келади», - деб таъкидлади ал-Амери, жамоатчиликни саёҳатдан олдин ва кейин барча йўловчилар учун зарур эҳтиёт чораларини кўришга чақирди.

Протокол янгиланишига кўра, БААга келган 16 ёшгача бўлган эмланмаган йўловчилар, агар улар барча тегишли профилактика чораларига риоя қилган бўлса, етиб келганларида ПЗР тестидан ўтиш заруратидан озод қилинади.